HISTORIA EVANGELICA

CAPUT LI: De curatione leprosi

#Matth. VIII#Luc. V

Cum autem descendisset Jesus de monte, tetigit leprosum, quasi jam solvens figuras, et sanavit eum dicens: Volo, mundare. Et addidit: Vide nemini dixeris, quasi dicat: Vide quam manifeste, et plene mundatus es. Nemini dixeris, id est nemini necesse habes dicere, adeo res evidens est, sed ostende te sacerdoti, ad cujus arbitrium revocandus es. Ecce alios nondum decet solvere legem, sanatus tamen ubique praedicavit.